ندى سلامة: أنا لسه عايشة

أخبار ليل ونهار – في موقف غريب، عادت عازفة الناي ندى سلامة لتنفي خبر إنتحارها وذلك عبر حسابها الرسمي على فيس بوك.

وكان قد خيم الحزن على مواقع التواصل الاجتماعي أثر اعلان وفاة ندى سلامة عازفة الناي، في ظروف غامضة، ولم تحدد الأسباب بعد، لتنتشر أخبار عن دفنها أمس الاحد بمحافظة كفر الشيخ.

حيث قالت ندي منذ دقائق عبر حسابها على فيس بوك «انا ندي ولسه عايشه لو معني اني بتنفس اني لسه عايشه، يمكن ده هيكون اطول شئ اكتبه ويمكن يكون آخر شئ اكتبه واهتم للناس فأكتبلهم ، انا حاولت انتحر اكتر من 5 مرات في 3 ايام وكل ده عشان بواجه مشاكل زي اللي الناس بتقابلها بس المشاكل دي كانت اكبر مني ومكنتش عايزه اورط حد فيها لانها كلها مشاكل انا السبب فيها انا اللي عملتها بس كنت جبانه اني اواجها ، احنا عايشين في عالم وسخ ، انا وسخه كمان زي العالم ده ساعات بنستحمل وساختنا بس مبنعرفش نستحمل وساخه العالم ، الموت شئ عظيم ممكن يخلصك من مشاكلك في دقيقه ويخلي كل الناس تسامحك علي كل وساختك ، بس الغريب هما ليه مهتمين بوجود الجسد كله بيدور حواليين جسدك طول ما جسدك موجود هيكرهوك واول ما يختفي هيحبوك ، ان كان الاعتذار واجب فبعتذر للناس اللي مش مهتمه لوجودك ولوساختك بس انت اللي تهمهم في اي مكان ، هتعامل مع مشاكلي وانهيها واخد فرصه جديده للحياه في عالم وسخ من غير ما اكون وسخ ، وفر اي طاقه تفكير هتفكر فيها عني وعن حياتي او عن موتي او عن مشاكلي او عن علاقتك بيا وفرها لحياتك في العالم الوسخ ، ووفر اي محاوله تواصل معايا حاليا ، انا شخص غير جيد لإي شئ في الحياه لحد ما ابقي جيده كفايه لنفسي ، اكرهني او حبني ده مش هيغير شئ في يومك».

اضف تعليق للنشر فورا