كليب اسمعني .. احدث اغاني «حمزة نمرة» بعد قرار منعه من الاذاعة المصرية

اخبار ليل ونهار – اسمعني.. احدث اغاني حمزة نمرة بعد قرار منعه من الاذاعة المصرية، من كلمات: محمود فاروق، وألحان: حمزة نمرة، وتوزيع: مصطفى نجم – حمزة نمرة.

وبها عاد المطرب المصري حمزة نمرة إلى تصدر اهتمام رواد التواصل الاجتماعي مع ألبومه الجديد ” إسمعني” الذي أصدره، عقب منع الإذاعة المصرية لبث أغانيه في 19 نوفمبر الماضي  بدعوى أنها “مناهضة للنظام”، والذي أثار آنذاك ردود فعل واسعة في أوساط الشباب على صفحات التواصل الاجتماعي .
في ألبومه الجديد الذي تصدر مشاركات رواد التواصل خلال الساعة الماضية على “فيسبوك” و”تويتر” يقول نمرة في أغنيته الأولى ” إسمعني … إنتا اللي بتضيعني … أحلامي قضيت عليها .. لما اتحكمت فيها .. طب فاضل ليا ايه؟” فيما اعتبره كثير من الشباب معبرا عن حالته في ظل السلطة الحالية.
بينما يقول في أغنية أخرى بعنوان ” مع السلامة” (والله يا ميت خسارة.. القسوة ماهيش شطارة لو فيكي رحمة يا دنيا.. طيب إيه الأمارة صعبانة عليا نفسي.. مش قادر أسيبكوا وامشي وأودّع كل حاجة.. قدام باب العمارة يعني الذكرى الجميلة.. وسنين عُمري الطويلة فجأة بسببك يا دنيا وقفوا عليا بخسارة) والتي تداولها أغلب الشباب المصري الذي تغرب عقب الانقلاب العسكري في 3يوليو .

كلمات اغنية “اسمعني” :

حياتي عمرها ما كانت باختياري
غصب عني لقيتك بتاخد قراري
بتعاملني كأني مجرد خيال
وإن جيلنا ده كله شوية عيال
لا.. احنا ملّينا السكوت
لا.. خلاص بقولها بأعلى صوت

اسمعني.. انت اللي بتضيعني.. للماضي بترجعني
وعايز تحبسني فيه
أحلامي.. انت اللي قضيت عليها.. لما اتحكمت فيها
طب فاضل ليا إيه

احنا جيل اللي شايب وهو شباب
كل حلم بألم كل خطوة بعذاب
شيلنا هم الحياة دوقنا مرّ السنين
لأ وعايزينّا برضه نعيش مذلولين
لا.. كلمة واحدة هقولها ليك
لا.. مش هبقى نسخة من ماضيك

اسمعني.. انت اللي بتضيعني.. للماضي بترجعني
وعايز تحبسني فيه
أحلامي.. انت اللي قضيت عليها.. لما اتحكمت فيها
طب فاضل ليا إيه

ليه أبقى زيك تمام.. أهو عايش والسلام
وتتوّهني الحياة
لا.. أنا هختار الطريق.. وهعاند كل شيء
ودي أيامي أنا..

اسمعني..

شاهد الاغنية:

تعليق واحد على “كليب اسمعني .. احدث اغاني «حمزة نمرة» بعد قرار منعه من الاذاعة المصرية

اضف تعليق للنشر فورا