وزارة الداخلية

فيديو .. مخرج الكليب الفاضح «سيب إيدي»: الداخلية طلبت مني رشوة لحمايتي

أخبار ليل ونهار – قال وائل الصديقي ، مخرج كليب « سيب إيدي »، إنه كان يعيش حياة طبيعية وكذلك بطلة «الكليب»، سلمى الفولي، بعد إذاعة الأغنية دون أي مشاكل.

وأضاف، في تصريحات لبرنامج «للنشر»، المذاع على قناة «الجديد»، إنه كان يجلس مع «سلمى» في كافيه، بعد إذاعة الأغنية بيومين، ثم دخل عليه 4 ضباط شرطة وطلبوا منه 100 ألف جنيهًا رشوة ليساندوه، أو وفقًا لتعبيره «علشان يبقالي ضهر».

وتابع: «أخدت واحد منهم على جمب وقولتله معنديش 100 ألف جنيهًا، استنى عليّ 24 ساعة أبيع العربية بتاعتي، قاللي طيب معاك 48 ساعة، لو مجبتش الـ100 ألف جنيه صدقني هيحصل مشاكل كتيرة لأن في ناس كتير مستعدة تدفع علشان إنت و(سلمى) تدخلوا السجن، والكليب ده يتقطع رقبته».

ووجه حديثه إلى وزير الداخلية، مجدي عبدالغفار، قائلًا: «انتوا مش هترحمونا بقى، في عندك فساد، مبقولش إن المنظومة كلها فاسدة، دلوقتي في عندك فساد في جهاز الشرطة وعناصر فاسدة، تقدر تحمي المواطن المصري يا سيادة الوزير من إن الضابط يذله علشان هو سلطة، الباشا اللي أنا هقولك اسمه وتليفونه دلوقتي ده ملازم أول، حتة عيل لسه طالع من الكلية جاي علشان يقوللي (الملف بتاع سلمى الفولي هيتشال خالص لو دفعت لي 100 ألف جنيه، ومستعد كمان أخفيه من الداخلية ولو مدفعتش هقبض من ناس تانية وهتخشوا السجن)، والنهاردة سلمى الفولي في السجن».

واستكمل: «لو إنت ضابط شرطة بني آدم بتستغل سلطتك، أنا عوالم، عليا وعلى أعدائي، كلاكيت تاني مرة» .. شاهد الفيديو «اضغط على الصورة ليعمل الفيديو»:

اضف تعليق للنشر فورا