عمرو الليثي

فيديو .. عمرو الليثي: الحكومة معندهاش دم

أخبار ليل ونهار – قال الإعلامي عمرو الليثي، بمقدمة برنامجه «واحد من الناس» المذاع على قناة الحياة الأولى: «الناس في مصر عطشانين.. الأرض عطشانة والناس مش لاقيين شربة المياه والحكومة واقفة بتتفرج لغاية ما الناس هتاكل بعض علشان بق مياه».

وأضاف الليثي: «أهالي 12 قرية بمركز بلقاس بالدقهلية عملوا مظاهرة كبيرة بسبب انقطاع المياه عن بيوتهم بعض القري المياه مقطوعة فيها من 12 يوم»، موجهًا سؤالًا لوزير الإسكان ورئيس الشركة القابضة للمياه «هل ممكن تقعدوا 12 يوم بدون مياه، وكانت النتيجة الأهالي كسروا محبس المياه الرئيسي علشان يلاقوا ميه يملوها في جراكن».

وتابع الليثي: «والله عيب لما نكون في القرن الواحد والعشرين وأهالينا بيضطروا يجروا يملو ميه من الجراكن أو ينتظروا بالساعات عربية المية.. يا حكومة سمعانا.. ياحكومة شيفانا.. ياحكومة حاسة بالناس ولا انتي مش دريانا».

واستطرد: «من بلقاس للحسينية يا قلبي لا تحزن المصيبة هناك اكبر واخطر حيوانات نافقة مرمية عند مأخذ المياه.. وطبعا مش عايز اقولكم على التلوث اللي في المياه وزي ما أهالي بلقاس بيجروا ورا عربيات المية بيجرى برده أهالي الحسينية بحثا عن شربة مية.. وأنا الحقيقة مش فاهم هو المسئولين دول ايه ما بيحسوش واللي بيجري في عرقوهم ايه دا دم ولا إيه.. للأسف مسئولين معندهمش دم» .. شاهد الفيديو:

اضف تعليق للنشر فورا