فيديو .. عمرو أديب: لا عتاب ولا حساب غير بعد الثأر من ولاد الكلاب

أخبار ليل ونهار – قال الإعلامي عمرو أديب، إنه حزين من الرئيس عبدالفتاح السيسي، قائلاً: «أنا زعلان من الريس علشان مايعرفش المصريين»، تعليقاً على كلمة السيسي خلال الجنازة العسكرية لضحايا حادث التفجير الذي استهدف كمينًا للجيش بمنطقة كرم القواديس، جنوب غرب مدينة الشيخ زويد، بشمال سيناء، الجمعة، وحصد 30 قتيلاً.

وأضاف «أديب»، في برنامج «القاهرة اليوم» على قناة «اليوم»، مساء السبت: «لا عتاب ولا حساب غير بعد الثأر من ولاد الكلاب، إحنا وراك يا سيسي والمصريين مش ضعاف، إحنا الشعب الوحيد اللي بيروح للقنبلة، وشايلين الجميل للجيش اللي قعد 500 يوم في الشارع».

وتابع أن «الإخوان هما اللي وصلوا السيسي للحكم، والجهاديين المجرمين هما اللي هيثبتوه في الحكم، عمرها ماهتقع ولا هتركع، وأولادنا اللي ماتوا بيشوفونا دلوقتي هنعمل إيه».

ووجّه «أديب»، رسالة للسيسي، قائلًا: «يا ريس، إحنا جاهزين وخلف جيشنا ومش ممكن دم شهدائنا هيروح هدر، وعندنا ثقة في جيشنا والدولة، لازم يا ريس تضرب بيد من حديد والعالم كله يشوف ده، كلنا واقفين وراك عشان، عمرك يا ريس شفت جنازة فيها زغاريد، المصريين أقوى من أي حاجة ونستحمل أكثر من كده وإحنا وراك ومعاك» .. شاهد الفيديو:

اضف تعليق للنشر فورا