وزارة الداخلية

فيديو .. شرطي يتحرش بسيدة في المعادي

أخبار ليل ونهار – نشر الناشط والمدون وائل عباس، مقطع فيديو بعنوان «ياسمين النرش جديدة في المعادي (الشرطة واستخدام الفيديو في التلفيق)»، لمشاجرة بين سيدة وأمين شرطة، بمنطقة المعادي، إتهمته السيدة بـ«التحرش بها»، فيما يدافع الشرطي عن نفسه ويقول إن السيدة «تعدت على قوة أمن البنك المصرفي».

وقال وائل عباس إنه تلقى هذا الفيديو عبر موقع التواصل الإجتماعي فيس بوك، وقصته حسب ما رواه صاحب الرسالة كالتالي:

«هحكيلك موقف حصل امبارح بليل في المعادي عالساعة واحدة، كنا واقفين في شارع اللاسلكي و لقينا واحدة بتصرخ ،بنشوف في ايه لقينا واحدة ماسكة في امين شرطة و هو بيشلت فيها ، رحنا حشنا و من كلامها ان الامين كان بيتحرش بيها و لما زعقت ضربها، المهم وصلت عربية ملاكي نزل منها ضابط وقف دقيقة و بصلها نظرة الاندرتاكر بدون سبب و طلع اللاسلكي و قال فيه ” واحدة اعتدت علي امن البنك يا فندم أثناء تربة الحراسة” الست اعدت تقواوا حرام عليك دة كان بيضربني».

وأضاف «عباس» نقلا عن صاحب الرسالة: «الست قعدت تقول حرام عليك ده كان بيضربني، راح قايل للأمين الموبايل بسرعة من العربية، الأمين جاب الموبايل وراح الضابط سايب الست والأمين ماسكين في بعض وفتح الفيديو كاميرا وقعد يصورها، مش عارف ليه؟».

ويظهر في الفيديو سيدة تُهاجم أمين شرطة، وتصفه بـ«قليل الأدب»، قائلة له: «يا راجل حرام عليك، أنا مكلمتهوش، يا راجل ربنا ينتقم منك، إنت قليل الأدب، أنا مليش دعوة بيه، أنا كنت واقفة مستنية تاكسي، ومعرفش البنك اللي بتقول عليه ده».

وأضافت السيدة، بحسب الفيديو، مخاطبة أمين الشرطة: «إنت كنت ماشي ورايا ليه؟، أنا كنت واقفة عند البوابة، إنت قليل الأدب، واتكلم عدل يا…، إنت ماشي بقلة أدبك».

ورد أمين الشرطة، على السيدة، أمام ضابط: «يا باشا إسأل فرد الأمن أنا كنت فين، أول ما شفتها حوالين البنك (بتبرم) شكيت فيها» .. شاهد الفيديو:

اضف تعليق للنشر فورا