فيديو .. خناقة بين محامية وسما المصري في حضور وائل الإبراشي

أخبار ليل ونهار – اشتبكت الراقصة سما المصري، المرشحة لمجلس النواب، مع المحامية أشجان البخاري، في متابعة الإعلامي وائل الإبراشي.

وقالت «المصري»، أثناء استضافتها ببرنامج «العاشرة مساءً»، في الساعات الأولى من صباح الأربعاء: «الفن اللي حضرتك مش عاجبك ده دخل بيوت وعجب الناس وعمل شعبية بين الناس، أنا واحدة بتكلم بلسان الشارع، الشارع بيقول الكلام اللي أنا بقوله بالضبط، بدليل إن هو انتشر والناس حبته، لو الفن بتاعي زي ما بتقولي مبتذل مكنش الناس حبته».

وردت «البخاري»: «ما في أغاني كتير في الميكروباصات والشوارع والناس بتقولها بس بتمشي مبتعملش تاريخ.. الجمهور بتاعك مش هينتخبك.. أنتِ واخداها شو إعلامي عشان اتركنتي على جنب بعد مرتضى منصور لما قفلك القناة بتاعتك».

وأضافت «المصري»: «أولًا أنا مش محتاجة يا أستاذة أشجان، أنا أول مرة اسمع عن حضرتك، يمكن أنتِ سمعتي عني كتير»، لتقاطعها «البخاري» قائلة: «سمعت عنك إيه يعني، بتلبسي بدلة رقص وبترقصي وصورك العريانة على البتاع»

وردت «المصري»: «لا مسمحلكيش».

وتجدد الاشتباك اللفظي بين «المصري» والمحامية في الحلقة حين قالت «البخاري» للراقصة «أنتِ مين أنتِ؟»، لترد سما المصري: «ملكيش فيه.. لما تعرفي تعملي زي الرقاصة ابقى كلميني» .. شاهد الفيديو:

اضف تعليق للنشر فورا