خالد علي

فيديو | خالد علي: اللي في السجون هايخرجوا .. واللي بيحكموا هايتحبسوا

أخبار ليل ونهار – استنكر المحامي الحقوقي، خالد علي، مدير المركز المصري للحقوق الاقتصادية والاجتماعية، حكم المحكمة الإدارية العليا بمخالفة الإضرابات العمالية للشريعة الإسلامية، وإحالة قيادات عمالية للمعاش ومنع ترقية آخرين لمشاركتهم في إضراب.

وقال علي، خلال كملته في لقاء بوفد عمالي: «من بعد 2003 العمال كانوا بيضربوا، ولا إضراب من دول كان وفقا لقانون العمل إلا بتاع طنطا للكتان، وده معناه أن القاعدة القانونية إذا كانت قاعدة في فراغ، لا تنظم ممارسة الناس للحق، الناس لن تلتزم بها، والإضراب حق، وعشان هو حق يجب أن تعترف به وتضع قواعد موضوعية له، ماينفعش تقولي أصله مخالف للشريعة الإسلامية».

وأضاف علي: «طيب مخالف للشريعة الإسلامية في أية ؟، والحكم كان مستند على قاعدة فقهية متسعة التفسير والتقويل، ودي قاعدة نسبية، تختلف من واقعة لواقعة ومن مكان لمكان، ومن زمان لزمان، ولا يجوز وضعها كقاعدة وضعية لضرب الإضراب».

وتابع علي: «طب الإضراب مخالف للشريعة الإسلامية، طب ظلم العمال مش مخالف للشريعة الإسلامية، قتل الشباب وحبسهم مش مخالف للشريعة الإسلامية، طب التطبيل للديكتاتور مش مخالف للشريعة الإسلامية، طب الحرب اللي في الإعلام وبتغتال كل واحد بيرفع صوته مش مخالف للشريعة الإسلامية، طب الفقراء اللي مش لاقين ياكلوا والمدارس اللي ماتبعملش والمستشفيات اللي مابتعالجش مش مخالف للشريعة الإسلامية».

وأضاف: «ولو كنتم متخيلين أن الصوت انخفض، الصوت انخفض لكن مارحش، مارحش لأن الناس عايزة المسار يبقي آمن، والناس كل يوم ما بتحس بالكذب وهي كل يوم ورا يوم بتكتشف كذبة ورا كذبة، أنا بقولكم، الميادين هاتتملي تاني، والصايحة هاترجع تاني، واللي في السجون هايخرجوا تاني، واللي بيحكموا هايتحبسوا تاني، وهانعيش نطالب بالحرية والكرامة» .. شاهد الفيديو:

اضف تعليق للنشر فورا