الاقباط، اقباط، مسيحيين، المسيح، المسيحيين، نصارى، النصارى ، اقباط مصر ، اقباط المهجر

فيديو .. امين شرطة يتحرش بفتاة مسيحية على باب كنيسة بالقاهرة

اخبار ليل ونهار – فيديو .. امين شرطة يتحرش بفتاة مسيحية على باب كنيسة بالقاهرة

كشفت فتاة مسيحية تدعى سارة عماد ، عن قيام امين شرطة بالتحرش بها اثناء خروجها من كنيسة القديس مارجرجس بالعجوزة بالقاهرة ، وكان الشرطي ضمن قوة حراسة الكنيسة ، حيث تقوم وزارة الداخلية بتأمين جميع الكنائس بعد الانقلاب العسكري .

بداية الواقعة :

قام امين الشرطة بتتبع حركة الفتاة سارة ، اثناء خروجها من كنيسة القديس مارجرجس ، وعندها اقتربت منه ، قال لها: “ايه يامزة” ، فقامت الفتاة بالدخول مرة اخرى الى الكنيسة للشكوى ضد امين الشرطة ، فكانت المفاجأة التي صعقت بسببها سارة ، حيث قال لها المسئولين داخل الكنيسة : “ده حكومة هنعملو ايه”.

وقد قامت سارة بسرد تفاصيل الواقعة بنفسها ، وذلك على صفحتها الشخصية على فيس بوك :

“امين الشرطة ده مسؤول عن حماية #كنيسة_القديس__مارجرجس_العجوزة…. اللي حصل انه وانا خارجه من الكنيسه راح بصوته العالي وبجاحته راح قايل (أيييه يا مزه) فأنا من صدمتي انه اللي قاللي كده امين شرطة وكمان المفروض انه مسؤل عن حماية مكان مقدس وبيت ربنا مشيت وبعد ما مشيت قولت ده قليل الادب ولازم المسؤلين عن الكنيسة يعرفوا انه متحرش ولسانه طويل ولو اي حد في الشارع عادي قال كده ، كنت هعديها ، ماهو الصيع كتير ، انما هو بذات ببدلته مينفعش يقولي كده”.

واستكملت سارة : “روحت دخلت اشتكي في الكنيسه لقيت اللي جوا كلهم لا حول ليهم ولا قوة ، بس ارتحت اني مكنتش سلبية وعملت اللي عليا ، مع ان فراش الكنيسه قالي (ده حكومة هنعملو ايه ) ! ، أمين شرطة بقي حكومة أقل رتبة في الشرطة الفراش خايف منه اومال لو ظابط اغتصب واحده في الشارع هنقولة حقك يا باشا ولا ايه؟، .. بعد ما خرجت من الكنيسه لقيته شغال يضحك ويقوللي ها عملتيلي ايه روحت انا وقفت طلعت موبايلي وبصوره ، راح قاللي ممنوع الصور هنا ، روحت انا قولتله لا انا بصورك انت عشان اخليك عبرة ان شاء الله .. ومشيت وسيبته روحت اركب عربيتي راح الراجل اللي جمبه في الصورة جه وهو بيعتذر ليا ، ومعلش وخليها عليكي قولتله يعني يرضيك يا فندم انه واحد يقول كده وهو واقف المفروض انه بيحمي الناس وبيت ربنا وفي الكلام ده ، هو جه وسمعني راح قاللي بيت ربنا هههههههههههه قال بيت ربنا ، وقام مطلع موبايله ومصورني وبيقولي (انا هصورك عشان انتي لابسه لبس يخليني اتحرش بيكي جنسيا) والناس كلها وقفت تتفرج ويشدو فيه يمشي مش راضي يمشي ووقف يبلطج عليا في الشارع وأدي الشرطة بتاعتنا النضيفه الرجالة ولاد الناس اللي بيحمونا ويحافظو علينا وأدي الناس اللي مختارينها تأمن بيت ربنا سواء كنيسة او مسجد هو اصلا مش معتبر الكنيسه بيت ربنا”.

امين شرطة كنيسة القديس مارجرجس
امين شرطة كنيسة القديس مارجرجس

امين الشرطة ده مسؤول عن حماية #كنيسة_القديس__مارجرجس_العجوزة…. اللي حصل انه وانا خارجه من الكنيسه راح بصوته العالي وبج…

‎Posted by Sara Emad on‎ 21 أكتوبر، 2015

تعليق واحد على “فيديو .. امين شرطة يتحرش بفتاة مسيحية على باب كنيسة بالقاهرة

  1. فين ابونا تواضروس ولا الانبا بولا ولا الانبا ابرام
    كله عامل نفسه من بنها، المهم الكرسي
    الله يحرقكم

اضف تعليق للنشر فورا