حركة أحرار

فيديو .. أغنية «صوت الحق» من حركة أحرار

أخبار ليل ونهار – أغنية «صوت الحق» من حركة أحرار.

كلمات الأغنية:

اسمع مني فكرة حركة .. حكايتها محتاجة كلام
وهقولهالك ركز فيها .. واوعى تسلم للإعلام
مهما يحاولوا يشوهوا فينا .. صوت الحق فيوم هيبان

أصل الفكرة إن ف يوم .. قررنا من الذل نقوم
قامت الثورة وقمنا ولكن .. طلعت صورة في الألبوم
والألبوم ده قصة كبيرة .. فيها المخفي والمعلوم

«سايكس بيكو» ده العنوان .. يحكي نكسة أمة زمان
جه المحتل وقسم فيها .. حبر يقطع في الأوطان
حط قواعد حكمه وخلى .. حكمه فوق حكم القرآن

سحب الغرب جيوشه أكيد .. خلى جيوشنا هي الإيد
تحمي مصالح غير مصالحنا .. تكتم صوت الناس بحديد
علشان يرضى الغرب عليهم .. يفضل يحكم واحنا عبيد

والتجنيد إجباري عليك .. تحمي نظام يدبح بإديك
اقتل واضرب واظلم واسجن .. مين في الآخرة راح يحميك
اوعي تقولي عذري أوامر .. عذرك باطل ما ينجيك

رسموا مسار خداع بايديهم .. وقالولنا التغيير جواه
وادخل حط فصندوق صوتك .. والصناديق يحرسها طغاه
حكم الشعب ده خدعة قديمة .. بعد ما خانوا حكم الله

حق الفقرا بقى كلمات .. رنانة جوة الخطابات
رأسمالية عالم طاغي .. تنهش حقك في الثروات
دايرة ومقفولة حواليهم .. خارج الدايرة يسبوا فُتات

قالوا سياسة ومن غير دين .. مدنيتهم زي الطين
غيرهم خلى الدين شعارات .. لاجل الكرسي يبقى اتنين
ديني قضية هتفضل حية .. وكل القصة هتفضل دين

وهي دي قصة الألبوم .. امتى الشمس تشق غيوم
انشر وعي القصة بصوتك .. حتى لو هتموت معدوم
برة مسارهم ارسم حلمك .. اوعى تسلم ليهم يوم .. شاهد الفيديو:

اضف تعليق للنشر فورا