فيديو .. أحمد موسى: حكومة محلب كانت على علم بتفجير دار القضاء ولم تفعل شئ

أخبار ليل ونهار – انتقد الإعلامي أحمد موسى المنظومة الأمنية فيما طالب برحيل وزير الداخلية بعد انفجار قنبلة أمام دار القضاء العالي، الإثنين، قائلًا: «سيادة الرئيس عايز كام واحد عشان وزير الداخلية يمشي؟».

وأضاف «موسى»، في برنامجه «على مسؤوليتي» على قناة «صدى البلد»، مساء الإثنين: «إللي حصل النهارده إن هناك خطأ في المنظومة الأمنية، رقم واحد، رقم اتنين، هناك تهديدات على مدى الـ24 ساعة إللي فاتت هيستهدفوا القضاء، ومتعملش إجراءات أمنية في مجال دار القضاء العالي، كانت إجراءات ضعيفة جدًا، كان ممكن كان ياخد الراجل ده كيس الإرهابي ويحطها جوه مكتب النائب العام محدش هيقوله بتعمل إيه.. مفيش أمن موجود حوالين دار القضاء العالي، والأمن إللي موجود مش متابع حاجة».

وتابع: «أين اللواء محمد إبراهيم، وزير الداخلية، مع احترامي وزير داخلية شغال وكذا لكن الموضوع مش منظره، الموضوع إجراءات.. سيادة الرئيس هل المنظر ده يليق بينا؟ سيادة الرئيس عايز كام واحد عشان وزير الداخلية يمشي؟ بغض النظر مين لكن أعطينا ناس يستحقوا يكونوا موجودين في البلد.. كام شهداء يسقطوا كل يوم كي نقول لوزير الداخلية متشكرين، إيه المشكلة يعني، مش هيزعل والله اللواء محمد إبراهيم إنه النهاردة يستريح، أنا بتكلم بشكل واضح أمن الدولة أهم من وزير الداخلية وأهم من أي حد في البلد» .. شاهد الفيديو:

اضف تعليق للنشر فورا