شهيد، شهداء، مجزرة، مذبحة، رابعة العدوية، ام الشهيد

صورة .. اليوم السابع تتحدث عن أمهات الشهداء وتنشر صورة والدة أحد شهداء رابعة

أخبار ليل ونهار – قامت جريدة اليوم السابع، المعروفة بتأييدها لنظام الرئيس عبدالفتاح السيسي، بنشر صورة لأمهات أحد شهداء رابعة، أثناء جلوسها أمام جثة نجلها، بعد فض إعتصام رابعة العدوية، والذي راح ضحيته آلاف القتلى والمصابين.

وكتبت اليوم السابع عبر صفحتها الرسمية على فيس بوك، على صورة أم الشهيد:

«قالولها مات وجابولها صورته قالت ماماتش
قالولها مات وجابولها حاجته متعاصة دم قالت ماماتش ..
جابولها ورقه من بنطلونه محلفها فيها لو مات شهيد تفضل تزغرط وماتصوتش ..
فضلت تزغرط لحد صوتها ماراح خلاص .. وفى الارض طبت وراحت مجاتش ..
قالولها اصحي ابنك مماتش .. قامت تدور عليه وتنده في كل حته ولاحد رد ..
تخش اوضته وعليه تدور ولا شايفه حد .. فتحت دولابه مسكت هدومة تشم ريحته لاقت هدومه ريحتها ورد … اخدت قميص وقعدت علي حرف سريره وعينها نعست .. شافت حبيبها عمال بيضحك ويقول لها عاوزاني امووت ؟؟
انا ياما حي والله حي طب امسكيني والمسيني واحضنيني زي ماحاضنك ..
هاتي ايديكي وصدقيني انا لسه حي .. وصدقيني حقي جاي .. انا بس عايزك تكوني صابره وجامده وصامده .. وهتشوفيني في اي واحد واقف مكاني .. ولسه في الف غيري هيموت تاني .. يا أمى اللي زيك تفرحي ابنك شهيد وعريس في الف عروسه في الجنه يا امى مستنياني ..
قامت ياعيني م الحلم تجري وتمسك في بدله وتقول يا ابني ضاعت اماني وراحت امالي مين هيلبس البدله اللي جايبهالك …..انا كنت من تحويشه العمر شاريهالك .. انا كنت خايفه ماتعجبكش .. دانا يابني قالولي ضناكي مات وبقول ماماتش .. اجيب حبيبي الصبر منين خلاص معادش .. ياناس».

اضف تعليق للنشر فورا