جندي، عسكري، جنود، ضابط، ضباط، عساكر، القوات المسلحة، الجيش المصري

بالفيديو.. صدمة مذيع مصري من تصريحات مدير المتاحف العسكرية

اخبار ليل ونهار. بالفيديو.. صدمة مذيع مصري من تصريحات مدير المتاحف العسكرية

فاجأ اللواء المصري أركان حرب “نجم الدين محمود” مشاهدي القناة المصرية الأولى بجهله الغير محدود بابسط معلومات التاريخ، رغم أنه يتولى إدارة المتاحف العسكرية حينما ذكر أن معركة (حطين) هي تلك التي انتصر فيها رمسيس الثالث على الحثيين، وأن معركة (عين جالوت) حرر فيها صلاح الدين بيت المقدس!

وظهر اللواء المذكور في لقاء مع القناة المصرية الأولى فسأله المذيع عن أهم المعارك التي خاضها الجيش المصري “العظيم” وانتصر فيها فرد اللواء محمود موضحاً أن “عقيدة الجيش المصري هي الدفاع عن الدولة وهو ليس جيشاً معتدياً بل يدافع عن حدود الدولة ويسعى إلى نجدة الأشقاء من الدول العربية الصديقة والشقيقة”.

بالفيديو.. محمد ناصر: هؤلاء اساءوا الى سمعة الجيش المصري

وقال اللواء محمود دون تردد أن “من أهم المعارك التي خاضها الجيش المصري منذ عصر الفراعنة معركة حطين التي كانت-حسب قوله- بقيادة الملك رمسيس الثالث ضد الحثيين وانتصر فيها، وهناك –كما قال-معركة عين جالوت بقيادة صلاح الدين الايوبي ضد الصليبيين في بيت المقدس وانتهت بتحريره، ومعركة نسيب البحرية التي كانت بقيادة الابن الأكبر لمحمد علي ابراهيم باشا الذي يُعد من أبرز القادة العسكريين عبر تاريخ مصر وكانت المعركة في الأستانة وانتهت بانتصار القوات المصرية، وأشار مدير المتاحف العسكرية إلى حرب الـ 56 وحرب اكتوبر المجيدة وحرب تحرير الكويت التي كانت من أعظم الحروب-كما قال-.

بلحه في الامم المتحدة.. الفيديو الذي اضحك مشاهدي اليوتيوب

ومن المعروف أن معركة عين جالوت (25 رمضان 658 هـ / 3 سبتمبر 1260) هي إحدى أبرز المعارك الفاصلة في التاريخ الإسلامي إذ استطاع جيش المماليك بقيادة “سيف الدين قطز” إلحاق أول هزيمة قاسية بجيش المغول بقيادة كتبغا. ولا علاقة لها بمعركة حطين بقيادة صلاح الدين الأيوبي والتي سبقتها بـ 73 عاماً، وسُميت نسبةً إلى المكان الذي حدثت فيه وهو سهل في فلسطين يقع بالقرب من بحيرة طبريا شمال فلسطين. أما المعركة التي وقعت بين الفراعنة بقيادة تحوتمس الثالث (1503-1449) والحثيين فهي معركة قادش في مدينة حمص وفي التل المعروف باسمها إلى اليوم ولم ينتصر الفراعنة في هذه المعركة بل انتهت باتفاقية ومصاهرة بين الطرفين كما تذكر كتب التاريخ.

أستاذ التاريخ بالجامعة الأمريكية بالقاهرة يرد على مدير المتاحف العسكرية:

ندد خالد فهمي، أستاذ التاريخ بالجامعة الأمريكية بالقاهرة بتصريحات مدير المتاحف العسكرية اللواء أركان حرب، نجم الدين محمود، حول أبرز معارك الجيش المصري.

بالفيديو.. هشام عبد الله: بلحة هو وش قفص الجيش فما بالكم بتحت القفص؟

وقال في تدوينة عبر حسابه على موقع التواصل الاجتماعي “فيس بوك”: “النهار دا صفحة برنامج “صباح الخير يا مصر” على يوتيوب ناشرة حديث شيق جدًا مع واحد لوا أركان حرب اسمه نجم الدين محمود إمام، ووظيفته مدير إدارة المتاحف الحربية، وواحد تاني اسمه إبراهيم جابر، وصفته منظم الجناح المصري بالقرية العالمية بدبي، المناسبة هي، وحسب مقدم البرنامج، اللي معرفش اسمه، إن الجناح المصري حاز مؤخرًا على المركز الأول من بين أكتر من خمسين دولة”.

وتابع: “أنا بحثت على الموقع الرسمي للقرية العالمية عن الجائزة دي اللي مصر حققتها، لكن ما لقيتش أي حاجة عن الموضوع دا ولا عن أي جوائز مصرر حققتها أو أي دولة تانية حققتها، اللي لقيته إن القرية العالمية، ودي بالمناسبة مهرجان سياحي تسويقي سنوي بتعقده دبي وبيصل عدد زائريه ل٧ مليون سايح (من سنتين)، لسه ما اتفتحتش السنة دي، وإن تاريخ افتتاح موسم ٢٠١٦/٢٠١٧ هو من ١ نوفمبر ٢٠١٦ إلى ٤ ابريل ٢٠١٧”.

بالفيديو.. بكاء شقيق احد ضحايا مركب الهجرة: حسبنا الله ونعم الوكيل نفسي اشوفه

وأضاف: “إنما الغريب إن المقابلة التليفزيونية دي تاريخها النهار دا، ٢١ سبتمبر ٢٠١٦، والحديث كله بيدور عن الجايزة اللي الجناح المصري حققها مؤخرًا، السؤال الأول بالتالي هو.. أنهي سنة الجناح المصري حقق فيها المركز الأول؟ ولو هي السنة دي، يبقى إزاي حصلت مصر على جايزة في مهرجان لسه ما اتفتحش؟ ولو الجايزة عن معرض السنة اللي فاتت، يبقى ليه برنامج “صباح الخير يا مصر” بيعرض المقابلة دي النهار دا وبيزعم إن الجايزة حصلنا عليها مؤخرا؟”.

وواصل: “السؤال التاني، وبغض النظر عن التاريخ الصحيح لحصولنا على الجايزة (إن صح وجودها)، هو إيه علاقة المتحف الحربي بالجناح المصري في القرية العالمية؟ البرنامج بيشرح ويقول إن الجناح المصري السنة دي كان عبارة عن قلعة صلاح الدين، وبما إن القلعة تحتوي على المتحف الحربي، فقرروا التنسيق مع إدارة المتاحف الحربية ويبنوا مجسم للمتحف الحربي في الجناح المصري”.

بالفيديو.. المصريين يصرخون: حرام عليك يا سيسي اللي بتعمله في البلد كفاية

وذكر: “السؤال تحديدًا هو إيه علاقة المتحف الحربي بمهرجان تسويقي سياحي عالمي بيعقد في دبي؟ من ضمن كل مصادرنا السياحية اللي ممكن نسوق بيها للسياحة في مصر ونجذب السياح ليها، ليه نختار متحف حربي كمبنى أو أثر نظهر بيه تفرد مصر وغناها؟ الأستاذ إبراهيم جابر (اللي طلع متعهد تصميم وإقامة الجناح المصري في القرية العالمية على مدار الأربع أو الخمس سنين اللي فاتت) بيقول إن الغرض هو تعريف الأجيال الجديدة من المصريين اللي ساكنين في الإمارات على تاريخ بلدهم، لكن لو صح الكلام دا يبقى من حقنا نتساءل، مرة تانية، هو توعية المصريين المغتربين بتاريخ بلدهم بيتم عن طريق جناح في مهرجان تسويقي؟ ولكن الأهم من دا، هو من امتى تاريخ الجيش بقي مرادف لتاريخ مصر؟”.

فيديو.. ضابط قوات مسلحة غاضبا: انتظروا انفجار المصريين قريبا

وأردف: “السؤال الثالث، إزاي سياتوا نجم الدين محمود إمام بيشغل منصب مدير إدارة المتاحف الحربية؟ السؤال نابع من معلومات تاريخية قالها سياتلوا في مجال تخصصه تنم على إنه غالبًا جاي من كوكب تاني أو إنه بيسرد حقائق عن تاريخ جيش تاني غير تاريخ الجيش اللي بيدعي إنه بيحكي عنه، فمثلاً (في الدقيقة ٣١:١٦) بيقول إن من أهم معارك الجيش المصري عبر العصور “معركة حطين اللي خاضها الملك رمسيس الثالث ضد الحيثيين”.

واستطرد: “معركة حطين يا سياتلوا كانت بين صلاح الدين الأيوبي والصليبيين سنة ١١٨٧ ميلادية، وغالبًا سياتك قصدك معركة قادش حوالي سنة ١٢٧٤ قبل الميلاد (يعني فرقت معاك بـ ٢٤٦١ سنة) اللي خاضها الفرعون رمسيس التاني (مش الملك رمسيس الثالث) ضد الحيثيين، سياتلوا كمل وقال إن تاني أهم معركة خاضها الجيش المصري في تاريخه الطويل كانت “معركة عين جالوت بين صلاح الدين الأيوبي والصليبيين في بيت المقدس، وانتهت بتحرير بيت المقدس”.

مفاجأة بالفيديو.. احمد موسى يعترف: مش سافرت نيويورك علشان بهجت صابر هيقتلني

وأكمل: “معركة عين جالوت يا سياتلوا كانت بين المماليك بقيادة سيف الدين قطز والمغول بقيادة كتبغا سنة ١٢٦٠، وما انتهتش بتحرير بيت المقدس إنما بإيقاع أول هزيمة للمغول وحماية مصر من الانهيار، سياتلوا بعد كدا أتحفنا في حقيقة ثالثة وهي إن المعركة الثالثة الفاصلة اللي خاضها الجيش المصري كانت “معركة نزيب البحرية بقيادة إبراهيم باشا، الإبن الأكبر لمحمد علي، اللي بيعد من أكبر القادة العسكريين للآستانة، وانتهت بانتصار القوات المصرية”، معركة نزيب (نصيبين) يا سيتلوا ما كانش لها علاقة بالبحر، المعركة دي كانت معركة برية دارت رحاها جنوب الأناضول بين الجيش المصري بقيادة إبراهيم باشا وبين جيش الآستانة بقيادة حافظ باشا ومساعده الألماني فون مولتكه، ودا كان في يونيو ١٨٣٩”.

وروى: “سياتلوا كمان قال (الدقيقة ٩:٤٨) “في شهر فبراير من كل عام بيتم إقامة معرض واحتفالية عالمية في مسرح الجلاء تبرز دور القوات المسلحة المصرية في دعم دول الحلفاء في الحرب العالمية الأولى، السؤال هنا لسياتلوا.. أنهي قوات مسلحة مصرية تقصدها سياتك؟ الحرب العالمية الأولى جرت بين سنة ١٩١٤ وسنة ١٩١٨، وفي السنين دي ما كانش فيه قوات مسلحة مصرية من الأساس، وبالتالي الزعم بإن القوات المسلحة المصرية ساعدت الحلفاء في الحرب العالمية الأولي يشبه موقف عادل إمام في مسرحية شاهد ما شافش حاجة لما اشتكى لكالابالا، الأرنب بتاعه، إن فاتورة التليفون جات له وفيها مكالمات زيادة بـ١٨ جنيه، مع إنه ما عندوش تليفون أصلاً”.

بالفيديو.. محمد ناصر: هو السيسي بقى اسمه بلحه ليه؟

وأوضح: “مصر وقت الحرب العالمية الأولي كانت خاضعة للاحتلال العسكري البريطاني، والقوات المسلحة اللي كانت موجودة في مصر كانت قوات بريطانية يرأسها جنرال بريطاني اسمه ج. ماكسويل، لو سياتلوا عنده اسم القائد المصري اللي كان رئيس هيئة أركان القوات المسلحة المصرية أو القائد العام للقوات المسلحة المصرية فيا ريت يقول لنا عليه، بغض النظر عن التفاصيل دي، فيديو الحلقة رائع الصراحة ومعبر تعبيرًا دقيقًا عن حال كل من التليفزيون المصري والقوات المسلحة المصرية”.

واختتم: “لقطتين دالتين تجُب في دلالتهما كل ال سياتلوا قاله، اللقطة الأولى في الدقيقة ١٣:١٢ لما الضيف الكريم، إبراهيم جابر، قال إن هدف المعرض كان توعية الأجيال المصرية اللي عايشه في الخارج زي “الابن الوحيد اللي ما بيخشش السجن” وبعدين تدارك زلة اللسان وقال “الجيش”، اللقطة التانية في الدقيقة ٢٩:١٥ لما فجأة وفي ظهور مفاجئ بنشوف قطة مشمشي سارحة في الخلفية”.

اضف تعليق للنشر فورا