باسم يوسف

باسم يوسف للسيسي: مش فاهم حاجة ومالكش لازمة

اخبار ليل ونهار. باسم يوسف للسيسي: مش فاهم حاجة ومالكش لازمة

في رسالة تعتبر هي الأولى من نوعها، يوجهها الإعلامي الساخر باسم يوسف، لعبد الفتاح السيسي بشكل مباشر، علق خلالها على أزمة أمناء الشرطة وبعض الأحداث التي شهدتها مصر في الفترة الأخيرة.

وقال باسم يوسف، في تدوينة على صفحته الرسمية بموقع التواصل الاجتماعي “فيسبوك”: “سيادة الرئيس طبيب الفلاسفة عبفتاح السيسي : أصل حاجة من الاتنين : يا اما انت مسئول مسئولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب و صحفيين مش المفروض يبقوا في السجن لاقتصاد بايظ بسبب قرارات غبية قلنا قبل كده انها غبية لناس بتطلع تهفلط و اسمهم لواءات لسياحة بايظة مرة عشان طيارة بتقع و مرة عشان سلاح طيرانك بيطلع يضرب سياح في الصحرا للبوليس بتاعك بيقبض و يعذب و يقتل اجانب زي ما بيعذب المصريين في الأقسام لجهاز إعلامي موجه و قذر لخمسين حاجة تانية بتعبر عن الفشل و الغباء و الغشومية . المهم يا سيات الرئيس نرجع لموضوعنا: يا اما انت مسؤل عن كل ده مسؤلية كاملة يبقى انت كده صاحبي و حبيبي و كفاءة و عرفنا المسؤول مين يا اما انت مش مسؤول خالص و انت زيك زيينا بتتفرج و مش فاهم حاجة و مالكش لازمة زينا بالظبط و في الحالة دي اهلًا بيك في صفوف الجماهير. تعالى بقى، ما تيجي، مش تبقى تيجي ؟
“.

وأكمل باسم يوسف قائلاً :”يا إما أنت مش مسؤول خالص و إنت زيك زيينا بتتفرج، و في الحالة دي أهلًا بيك في صفوف الجماهير. تعالى بقى، ما تيجي، مش تبقى تيجي ؟”.

وفي تدوينة اخرى، قال باسم يوسف: “سؤال حقيقي معلش. ايه اللي حصل للجيش؟ او بمعنى اخر: ايه اللي حصل للي ماسكين الجيش؟ ايه المسخرة و قلة القيمة دي ؟ يعني بعد فضيحة الكفتة الجيش بيهدي “كرة ارضية” مافيش حاجة فيها صح. و لا الخرائط و لا الأسماء و لا نيلة . ايه القرف ده؟ ايه الفضايح دي.”.

سيادة الرئيس طبيب الفلاسفة عبفتاح السيسي : أصل حاجة من الاتنين : يا اما انت مسئول مسئولية كاملة عن اللي بيحصل في البلد م…

‎Posted by Bassem Youssef on‎ 20 فبراير، 2016

سؤال حقيقي معلش. ايه اللي حصل للجيش؟ او بمعنى اخر: ايه اللي حصل للي ماسكين الجيش؟ ايه المسخرة و قلة القيمة دي ؟ يعني بعد…

‎Posted by Bassem Youssef on‎ 20 فبراير، 2016

اضف تعليق للنشر فورا