وليد شرابي، قضاة من أجل مصر

اول تعليق من «شرابي» بعد ضرب ضابط المطار: تحب اضربك تاني؟

اخبار ليل ونهار – في اول تعليق من المستشار وليد شرابي، بعد واقعة ضرب واهانة ضابط مطار القاهرة على يد السيدة ياسمين النرش، كتب شرابي على صفحته الشخصية على فيس بوك: “تحب اضربك تاني؟، حضرة الضابط بيسأل الشعب يعني نعمل لكم ايه نتعامل بضبط النفس مش نافع ولو نعاملكم بشدة مش نافع يعني نعمل لكم ايه ؟”.

شاهد ايضا

بالفيديو .. سيدة تضرب ضابط شرطة بمطار القاهرة «للكبار فقط»

واستكمل شرابي: “شوف ياحضرة الضابط انا كمواطن عايز من سيادتك حاجات كتير، انا عايزك تكون محترم ومش عايز حد يهزأك ،وعايزك تكون عادل وما تظلمش حد ،وعايزك تكون قوي على كل ظالم ولين مع كل مظلوم ،وعايزك تحترم نساء بلدك كلهم المنقبة والمحجبة واللي مش محجبة والمسلمة والمسيحية وحتى اللي ملهاش دين لازم تحترمهم كلهم زي بعض ،ومش عايز اشوفك بتضرب منقبة بعصاية اوبتسحل محجبة في الشارع ولا عايز اشوف رقاصة بتشتمك ،وعايزك تسيب الغلابة ياكلوا عيش وما تاخدش منهم اتاوة ،وفي نفس الوقت عايزك تقبض على الحرامية اللي سيادتك عارفهم ومطنش عليهم بمزاجك ،وعايزك تعرف انك مش خصم سياسي لأي حد ولا حتى لك دور في السياسة من الأساس ،وعايزك تفهم ان اللي مشغلينك بيستغلوك غلط !!! لأنهم مشغلينك عندهم بلطجي بيدافع عن ظلمهم وقهرهم للناس الغلابة اللي بيكافحوا علشان يعيشوا”.

شاهد ايضا

بالفيديو .. سيدة تخلع ملابسها للمشاجرة مع ضابط شرطة بمطار القاهرة «للكبار فقط»

واضاف شرابي: “وعايز اسالك عن رأيك في زمايلك اللي بيقتلوا الناس في الشارع؟ بتعرف تسلم عليهم وتهزر معاهم وتفطر معاهم الصبح في الخدمة ؟؟؟ !!! ،وعايزك تربي ولادك على حاجات انت بتعرف تعملها زي انك تقول لابنك مايكذبش ومايسرقش ومايظلمش ، وعايزك يا باشا ماتعزبش حد لانك بني ادم اهلك ربوك وصرفوا عليك علشان تكون ضابط محترم مش بلطجي ،ومش عايزك تموت حد ظلم علشان أنا مش عايز حد ياخد تاره منك ،وعايزك تفهمني كويس وتفوق بسرعة يا باشا لانك لما بتفهم غلط ممكن اي حد يضربك وبعد لما يضربك حيسألك تحب أضربك تاني ؟؟؟ أنا بسأل“.

تحب اضربك تاني حضرة الضابط بيسأل الشعب يعني نعمل لكم ايه نتعامل بضبط النفس مش نافع ولو نعاملكم بشدة مش نافع يعني نعمل ل…

‎Posted by Waleed Sharaby on‎ 5 مايو، 2015

اضف تعليق للنشر فورا