عمر عفيفى

العقيد عفيفي: الثورة القادمة لن تعرف انصاف الحلول

 اخبار ليل ونهار – كتب العقيد السابق عمر عفيفي، المقيم بالخارج، تدوينة على صفحته الشخصية على الفيس بوك قال فيها: “الثورة القادمة لا تعرف المياعة ولا اليد المترددة ولا أنصاف الحلول ولا معلش والحساب وقتي علني حاسم بعدل الله، اللي ميشفش من الغوربال يبقي أعمي واللي ميستفدش من اللي حصل حوليه يبقي لمؤاخذه حمار ولكم في عبد الله صالح وابن علي ومبارك وولاده عبره ودرس لابد من الأستفادة منه وعدم تكراره ابدا”.

واضاف عفيفي: “الحشائش الضارة لو قصيتها من علي وش الأرض حتنبت تاني وثالث ورابع وحتخنق الزرع وتقتله لذلك الفلاح الواعي بفطرته بيقلع الحشائش الضارة من جذورها وبيخدها بعيد عن غيطه ويحرقها عشان متنبتش تاني، الثورة كان لابد ان تمر بكل تلك المراحل ليتعلم الثوار العظة والحكمة عشان لما يتولو أمور بلدهم يعرفو يمشوها صح ـ القسوة أحيانا بتكون دواء – والدكتور لو اترعش المشرط في ايده يبقي المريض أنتهي”.

واختتم: “أتمني أن تكون رسالتي وصلت للثوار الأبطال الصامدين المتربصين لساعة الصفر – وبقولكم براحتكم خالص لان الوقت في صالحكم تماما ومفيش حاجه ضاعت بل علي العكس تماما، اللي يقولك أمتي ساعة الصفر قوله ـ براحتنا ع الأخر واللي يقولك الثوار همه اللي في الشارع بقالهم سنتين قوله ربنا يوفقهم، الفلول يحلمون ان يكون الأمر انتهي – بس ده عشم أبليس في الجنة”.

الثورة القادمة لا تعرف المياعة ولا اليد المترددة ولا أنصاف الحلول ولا معلش والحساب وقتي علني حاسم بعدل الله اللي ميشفش…

‎Posted by ‎العقيد/ عمر عفيفي‎ on‎ 10 أبريل، 2015

اضف تعليق للنشر فورا