عبدالفتاح السيسي

السيسي للمحامين: حقكم عليا

أخبار ليل ونهار – إعتذر الرئيس عبد الفتاح السيسى للمحامين عما وصفه بـ «التصرف الفردى المسىء» الذى صدر من أحد ضباط الشرطة ضد محام الأسبوع الماضى، قائلاً: «أنا بقول للمحامين كلهم حقكم عليا، وأنا بعتذر لكم يافندم، وبقول لكل أجهزة الدولة من فضلكم، لازم نخلى بالنا من كل حاجة، رغم الظروف اللى احنا فيها، موجهًا كلامه للواء مجدى عبد الغفار وزير الداخلية».

وأضاف السيسي على هامش افتتاح مشروعات الجيش: «أنا بعتذر لكل مواطن مصرى تعرض لأى إساءة، باعتبارى مسئول مسئولية مباشرة عن أى شىء يحصل للمواطن المصرى، وبقول لأولادنا فى الشرطة أو فى أى مصلحة حكومية، لازم ينتبهوا أنهم بيتعاملوا مع بشر، والوظيفة تفرض عليهم التحمل، لأن المصريين أهلنا وناسنا، ومافيش حد ينفع يقسوا على أهله».

واستطرد الرئيس: «عاوزين ناخد بالنا دايما، ونكون مثل وقدوة، وخلال زيارتى الأخيرة لألمانيا والمجر، كانت تعليماتى للحرس بضرورة عدم الاقتراب من أحد، أو التوقف من أجل أحد، ولكن أنا كسرت هذه التعليمات واديت أوامر بعسكها، لأن المواطن المصرى اللى مكلف نفسه، وسايب شغله وحاله عشان يقول أنا معاكم، مش ممكن أبدا، أقوله أمشى متشكرين، لأنهم أهلى وناسى، وما ينفعش حد يقسوا على أهله وناسه، إحنا لازم نرفق على بعضنا».

اضف تعليق للنشر فورا