عبدالفتاح السيسي، تواضروس، السيسى، الاقباط، المسيحيين، الاقباط في مصر، كنيسة، الكنيسة

بالفيديو.. القمص مرقس: السيسي اسوء رئيس واتخدعنا فيه وعايشين ايام سودة

اخبار ليل ونهار. بالفيديو.. القمص مرقس: السيسي اسوء رئيس واتخدعنا فيه وعايشين ايام سودة

في مايبدو انه انتهاء لشهر العسل الطويل بين السيسي والاقباط في مصر، شن القمص مرقس عزيز، كاهن الكنيسة المعلقة سابقا، هجومًا حادًا على عبدالفتاح السيسي من خلال مقطع فيديو نشره عبر حسابه على مواقع التواصل الاجتماعي.

وواصل «عزيز» هجومه قائلًا: «أول مرة نشوف رئيس جمهورية بيضحك ويتمايل..ياريت ملقيش حد من الأقباط يطلع يتفزلك ويقول ايه الكلام اللى بيتقال ده.. مقلب خدناه.. نعترف إننا اخدنا مقلب فيك يا سيسي».

وقال «عزيز» في الفيديو الذي بلغت مدته نصف ساعة موجهًا حديثه للسيسي: «الكيل طفح واللى ما بيشوفشى من الغربال يبقى أعمى اللى بيحصل للأقباط مهزلة.. في يوم من الأيام انتخبنا السيسي وقولنا ده الواد اللى مجبتوش ولاده».

اسوء رئيس شوفته:

وتابع: «السيسي أسوأ رئيس جمهورية.. اتخدعنا فيه.. دخل بالخداع واحنا يا أقباط ناس مسالمين وطيبين وصدقناه وقفنا معاه في 30 يونيو.. شايف فيه الخيانه.. شايف إيد الأقباط اللى اتمدتله واللى تسببت إنه يقعد على كرسي مصر إنسان بهذا المستوى».

وأضاف القمص مرقس، والذي يرعى الآن إحدى الكنائس القبطية في أمريكا: «دلوقتى انت سايب الأقباط يدبحوا وانت قاعد بتضحك.. برهامي اللى قال علينا كفره ومجرمين وحل دمنا.. متحكمش ليه يا سيسي.. عشان برهامي سيدك اللى بيديك أوامر يا سلفي».

واستطرد في الفيديو الذي وجه فيه انتقادات حادة للسيسي: «عايز أعرف من اللى بيدير البلد حزب النور؟.. يا ما قولنا ساعة الدستور مفيش أحزاب على اساس ديني وجاب السلفيين..نفسي ألاقى قرار واحد طلعه السيسي واحتُرم..يطلع يقول الكنائس اللى اتحرقت هبنيها.. والنتيجة الكنائس اللى اتحرقت أكتر والبيوت اللى ولعت أكتر.. هو بيقول الكلمة من هنا واحنا نقول خير يا رب اجعله خير..كلامه كله فى الأرض».

اشرب بريل:

وتابع: «ياسيسي أرجوك إشرب بريل.. نفسي ألاقيلك كلمة مسموعة.. نفسي ألاقيك زي أى رئيس..هتودينا فين يا ريس.. انت فاكر انك لما تيجي تزور الكنيسه دا معناه إن مشاكل الأقباط اتحلت؟».

وطالب «عزيز» الأقباط بأن يزيلوا صور السيسي من بيوتهم قائلًا: «يا ريت الناس اللى حاطة فى بيوتها صور السيسي وهو فى الكنيسة يشيلوها.. أنا مش مقتنع إن انت الرئيس بتاعى.. الرئيس بتاعى يحافظ عليا يحمينى ويحفظني».

وأوضح: «عملت قناة السويس مش عشان ان انت تعمّر عشان الناس تقول انك عملت قناة سويس وكنت بتجرى عشان تخلص بدري قبل ما مدتك تنتهى.. اطمن ملكش مدة ثانية محدش هينتخبك الناس عرفوك والمسلمين العاقلين وما أكثرهم عرفوك..شحّت البلد»، حسب قوله.

وقال إن :«الرئيس السادات عادى الأقباط وكانت نهايته كما تعرفون، وقولت لمبارك نهايتك سودة وقد كان.. عايز أقول للسيسي.. ربنا وحده اللى عالم بنهايتك.. قطرة دم إنسان قبطي عند ربنا شيء غالي أوي.. إحنا إلهنا إله محب بيحبنا.. نهايتك يا سيسي لن تختلف عن أى حد وقف ضد الكنيسة أبواب الجحيم لن تقوى على نهايتك.. بقولك ياريتك ما دخلت الكنسية.. دفعنا تمن زيارتك للكنيسة غالي.. خدعتنا وضحكت علينا.. لكن مردوده».

اضف تعليق للنشر فورا