الارز

الحداد فقط على أصحاب «الرز» في دولة السيسي

أخبار ليل ونهار – عشرات القتلى والمصابين في مذبحة الدفاع الجوي التي إرتكبتها قوات الشرطة في جماهير نادي الزمالك، ولم تحرك دولة الرئيس عبدالفتاح السيسي ساكنًا لإعلان أي نوع من أنواع الحداد، بينما كان الحداد 7 أيام كاملة رسمية من رئاسة الجمهورية المصرية لوفاة العاهل السعودي الملك عبد الله، ونعى السيسي باسمه وباسم شعب مصر، ببالغ الحزن والأسى ملك السعودية.

وعلى الرغم من ذلك، فقد جاءت تسريبات ‫«السيسي يحتقر الخليج‬»، لتكشف كيفية تفكير السيسي في دول الخليج والتي وصفهم «الفلوس عندهم زي الرز».

نص التسريبات:

نص الجزء الأول لتسريب «السيسي يحتقر الخليج‬»:

عباس كامل في جلسة تضم السيسي ومحمود حجازي.
كان لازم من البداية في كل المواقف الرئيسية هات خد
انا جايلك سنة 90 عشان اعملك البتاع
الـ..الــ.. البتاع وكلام من ده هات
علطول مفيهاش فصال بنا
أنصاف دول
يعني احنا بنكرر تاني تجربة بتاعت اليمن وبعد وبعد وبعد
لا هات خد خليه يدفع
مانا ورايا شعب جعان ومتنيل بنيلة وظروفي انيل
وانتوا اللي عايشين حياتكوا بالطول والعرض
وفلوسكوا متلتلة قد كده

نص الجزء الثاني لتسريب ‫«السيسي يحتقر الخليج‬»:

عباس كامل في جلسة تضم السيسي ومحمود حجازي:
القيادات بتاعتهم ميزانيتهم اكبر من ميزانية البلد وكل امير معاهم مئات المليارات
حتى بتاع قطر ابن الـ****
البنك بتاعه ده اللي هو قطر الوطني
ده ولا مش عارف ايه
البت بتتكلم من اسبوع كده ولا من عشر ايام
ان الاحتياطي 900 مليار

نص الجزء الثالث لتسريب «السيسي يحتقر الخليج‬»:

السيسي لعباس كامل يطلب منه مخاطبة خالد التويجري:
بص … تقوله احنا محتاجين 10 يتحطوا في حساب الجيش و العشرة دول ساعة ما ربنا يوفقه وينجح هيشتغلوا للدولة وعايزين من الامارات 10 زيهم وعايزين من الكويت 10 زيهم.
ده بالاضافة لقرشين يتحطوا في البنك المركزي ويكمل حساب السنة بتاعة 2014.
عباس كامل:
ههههههه ويغمي عليه.
السيسي:
بتضحك لية يا عم، الفلوس عندهم زي الرز يا عم.

نص الجزء الرابع من تسريب «السيسي يحتقر الخليج‬»:

الو الووو مرحبا اخي فهد
ازيك اخبارك ايه كله تمام
طمني عليك وكل الامور تمام
طب و و و معالي الرئيس كله فل كويس
يعني الأربع ايي طب الأربع الساعه كام من 12 ل 1 طيب خلاص انا هشوف
انا بسي كنت عايز ابلغك حاجه لازم تبلغهاله
دلوقتي حالا وانا بكلمك في اجتماع للمجلس لو حضرتك هتكتب
للمجلس الأعلى للقوات المسلحة
آه .. للقوات المسلحة
في نهاية الاجتماع هيصدر بيان من المجلس الأعلى تمام
بالموافقة على ترشيح الفريق السيسي لرياسة الجمهورية تمام كده
طب يعني لسه عبال ما هما لسه بادئين الاجتماع حالا يعني لسه قدامهم قول مثلا ساعتين عبال ما يعلنوا
بس انا قلت اقولك قبلها عشان تبلغ معالي الرئيس و و يبقى عارف الأمور ماشية ازاي
طيب اوكي ماشي يا فندم
وانا هحجز الصبح بدري يوم الأربع بحيث إن أنا يعني أوصل في في المعاد ان شاء الله بإذن الله
طيب اوكي يا حبيبي ماشي اتفضل يا حبيبي اتفضل مع السلامة

شاهد التسريب كاملًا:

اضف تعليق للنشر فورا