ألتراس الزمالك

اغنية اسمي مشجع مش نزيل – اولتراس وايت نايتس

اغنية اسمي مشجع مش نزيل – اولتراس وايت نايتس Ultras White Knights

كلمات أغنية اسمي مشجع مش نزيل:

اسمي مشجع مش نزيل
للحرية مفيش بديل
1000 وأكتر في السجون .. صوتي هيوصل مهما يكون

وأنا رايح الاستاد
قابلني كمينك يا سجان
اركب بوكس وترحيلات .. ليلة فزنزانة من غير ألوان

فريقي رايح الأدغال
وجيشه وراه في كل مكان
سجنوا الأسد في المطار .. وفي الغربة حبسوا الشجعان

واللي من صغره في ناديه
لاعب ومشجع مش جبان
ضحى بحريته لفريقه .. عمره في يوم ما هرب وخان

مشجع هي روحه وحياته
أصل الكورة من زمان
سرقوا منه سنين في عمره .. حبسوا الضحكة ورا القضبان

الحرية للمدرج .. الحرية للجماهير
الحرية للمدرج .. الحرية للجماهير

اسمي مشجع مش نزيل
للحرية مفيش بديل
عيلة النسر حبسوا جسمي .. لكن روحي مستحيل

كلابش حديد في الدراع
عقلي رافض للخداع
روح الأولتراس جوه مني .. تحمي الفكرة من الضياع

زاد القمع والفساد
فجروا وحبسوا في الولاد
دايرة تدور وهييجي اليوم .. تجري كلابهم في البلاد

في الإقسام والسجون
لينا أخواتنا مشجعين
بكره هيغنوا معانا .. صوتهم يوصل للملاين

الجمهور هو اللي يحكم
والأولتراس مش مجرمين
إحبس وإقتل مهما تعمل .. وإحنا برضو مكملين

الحرية للمدرج .. الحرية للجماهير
الحرية للمدرج .. الحرية للجماهير

اضف تعليق للنشر فورا