الاقتصاد المصري، العملات، اسعار، سعر، ثمن، الجنيه، الدولار، الفلوس، الاموال، الفقر، التضخم، الغلاء، غلاء

ارتفاع سعر علبة اسبرين «ريفو» الى 55 جنيه

اخبار ليل ونهار. ارتفاع سعر علبة اسبرين ريفو الى 55 جنيه

في حين كان بالامس من ارخص الادوية التي يستخدمها جميع المصريين، سواء لتخفيف الآلم او الصداع او لسيولة الدم وحماية القلب، اصبح اليوم من الادوية التي طالتها الموجة الغير مسبوقة في اشتعال الاسعار في مصر مؤخرا.

ونشر أحد نشطاء شبكة التواصل الاجتماعى “فيس بوك” تدوينة له شرح فيها بشكل ساخر، قصة ارتفاع سعر شريط ريفو، قائلاً: قصة الكفاح دي أهداء لأي شخص حاسس انه مالوش لازمة في الحياة وفاقد للهوية، ده شريط ريفو، من فترة بسيطة كان سعره ربع جنيه ومكانش حد من الصيادلة حاسس بأهميته إطلاقا وكانوا بيطلعوه بواقي فلوس بدل الفكة القرصين بشلن، تخيل لما يكون شريك عمرك اللي انت عايش معاه في نفس الإجزخانة بيعاملك المعاملة القذرة دي، وكمان ياريت الزبون اللي بياخدك كباقي فلوس بيبقي سعيد بيك، اطلاقا ده تلاقيه أول ما شافك محطوط مكان الشلن أو البريزه كشر وزعل وقال للصيدلي ايه ده ريفو، طيب ما تجيب بداله بلاستر جروح او حتي لبان، والصيدلي يقوم ملزقك للزبون بالعافية زي البت بتاعه طخه بس متموتوش يابوي”.

اسبرين ريفو
اسبرين ريفو

أضاف،: “بس يا سيدي الريفو لم يستسلم أبدا وفضل يعافر ويعافر لغاية لما بقي بنص جنيه، تفتكر اكتفي أبدًا فضل يعافر ويعافر لغاية لما ربنا كرمه من 6 شهور وبقي بـ75 قرش، والصيدلي حس بأهميته، ده العلبه منه بقت بـ 15 جنيه يعني ثروة، وقرر انه ميطلعوش خالص كباقي فلوس وبقي يطلع بلاستر جروح مكانة”

شاهد ايضا

تزايد الغضب بين المصريين بعد اشتعال اسعار الادوية

واستكمل: “ناس كتير هتفتكر القصة انتهت لحد هنا، دي ناس محدوده الطموح، الريفو عرف سكه النجاح خلاص، واللي يدوق سكة النجاح بيدمنها، الريفو خطط ونفذ ونجح، وفي ضربة مفاجأه الريفو سعره بقي 2.75 قرش، متخيل يعني سعره زاد 400%، ونظره الصيدلي للريفو اختلفت تمامًا، وفي صيادلة كتير أنا اعرفهم خدوا علبه الريفو في حضنهم وهما نايمين، طبعا ما هو ثروة دلوقتي العلبه بـ 55 جنيه، وفي صيادلة عملوا زي ما انا عملت كده وحطوا الريفو في دولاب المخدرات وقفلوا عليه أحسن حد يطمع فيه ويسرقة، بس يا سيدي والريفو بقالة 3 أيام حاسس بنشوة فظيعه، لا وتخيل كمان، بقي اللي بيشتري ريفو دلوقتي بيدفع فلوس وياخد بالباقي بلاستر، ودي كانت رحلة كفاح شريط الريفو، من شريط مالوش قيمه بنلزقه للزباين بدل الشلن والبريزه، لشريط له قيمة ووضع واللي بيشتريه عليه القوم”.

نبذة سريعة عن ريفو

يتكون دواء Rivo ريفو، من مادة الاستيل ساليسيليك، ويستخدم كمسكن للالام والصداع وخافض للحرارة، بالاضافة الى الحماية من الجلطات القلبية والدماغية، لقيامه بزيادة سيولة الدم.

اشتعال اسعار جميع الادوية

لم يتوقف الامر عن اسبرين ريفو، بل اشتعلت اسعار جميع الادوية في مايو 2016، وذلك بعد ان تعدى سعر الدولار اكثر من 11 جنيه مصري، في ظل تزايد الفشل في الاداء الاقتصادي لنظام عبد الفتاح السيسي.

اضف تعليق للنشر فورا