عالم كون شمس شروق شاطئ منوعات

أغنية عدى النهار – عبدالحليم حافظ | عبد الرحمن الأبنودي

أخبار ليل ونهار – أغنية عدى النهار والتي جاءت بعد نكسة 67 – غناء الراحل عبدالحليم حافظ وكلمات الراحل عبد الرحمن الأبنودي وألحان الراحل بليغ حمدي.

ففي عز المرار واليأس والإحباط مع نكسة يونيو، انطلقت كلمات الأبنودي بصوت عبد الحليم وألحان بليغ حمدي وجاءت عدى النهار ترطب القلوب بين البيانات العسكرية وأخبار الهزائم.

كلمات الأغنية:

عدّى النهار والمغربية جاية
تتخفى ورا ظهر الشجر
وعشان نتوه فى السكة شالت من ليالينا القمر
وبلدنا ع الترعة بتغسل شعرها
جانا نهار مقدرش يدفع مهرها
ياهل ترى الليل الحزين أبو النجوم الدبلانين
ابو الغناوي المجروحيين
يقدر ينسيها الصباح ابو شمس بترش الحنين
ابدا… بلدنا للنهار… بتحب موال النهار
لما يعدي فى الدروب
ويغني قدّام كل دار
والليل يلّف ورا السواقي زي ما يلف الزمان
وعلى النغم …تحلم بلدنا بالسنابل والكيزان
تحلم ببكرة واللى ح يجيبه معاه
تنده عليه فى الظلمة وبتسمع نداه
تصحى له من قبل الادان
تروح تقابله فى الغيطان
في المتاجر فى المصانع
فى المدارس و الساحات
طالعة صحبة صفوف جنود
طالعة له رجال اطفال بنات
كل الدروب واخدة بلدنا للنهار
واحنا بلدنا للنهار بتحب موال النهار
لما يعدي فى الدروب
ويغني قدام كل دار

شاهد الفيديو:

اضف تعليق للنشر فورا