مظاهرات ثورة 25 يناير

أغنية حكاية ثورة – Ultras White Knights

أخبار ليل ونهار – أغنية حكاية ثور من ألتراس نادي الزمالك الوايت نايتس Ultras White Knights.

كلمات اغنية حكاية ثورة:

اول ما عينيا اتفتحت لقيت الكون كله ظلام

و اللى عايز يكسب فيه لازم يعيش م الحرام

بلدي خيرها مش ليها إخنا خدامين النظام

اه يا بلادي مش هقدر أعيش فيكي ولا يوم تاني

كتموا صوتي و مصوا دمي و سرقوا كل أحلامي

دم فاسد للغلابة و مصايب المستشفيات

حتي اللقة مش لاقيينها و زوروا الإنتخابات

التعذيب فى الأقسام و السجون مليانة أموات

أي حد يقول حقيقة يبقي خارج ع القانون

و اللى يقول لأ للنظام إعلامهم خلاه مجنون

فى البداية شوفنا تونس كنا بيها مبهورين

امتي الدور ييجي علينا شعبنا نايم من سنين

لازم نقضي على الفساد و هننزل 25

كان إحساس ميتوصفش و إحنا واقفين فى الميدان

كتفي فى كتف أخويا و اختي بينهم حاسس بالآمان

قامت ثورة التحرير فى يوم جمعة الغضب

فاكرين كوبري قصر النيل شيخ بيصلى و اتضرب

مهما ضربتوا بالرصاص مهما نشن القناص

جيش الحق و الخلاص فاتح صدره عايز الموت

حرب بين الخير و الشر و خلاص مفيش سكوت

فاكرين وسط الإشتباكات قطعوا كل الإتصالات

ولعنا المدرعات بالشماريخ و الباراشوتات

راح الحاكم للسجان قاله اضرب فى المليان

امن الدولة تشهد على كل خاين فيكوا

فرمتوا كل المستندات اللى قدامنا تعريكوا

للحرية فتحنا الباب و كسرنا كل القيود

و اتنحي ابن الكلاب لعساكره فسابوا الحدود

قولنا ديا نهاية الشر و الظلم خلاص مش هيعود

كدبة و عيشنا فيها و الشيطان لسه بينا

شالوا كلب و جابوا ابليس جاي عشان يموتنا
6
عقود مالزمان و العسكري طلع الشيطان

نهب و ذل و إستبداد زاد البطش و الطغيان

دور عالحقيقة و انت هتلاقيها عالحيطان

المعتقلات و السجون فتحت تاني من جديد

رجعوا يقتلوا فى الأحرار و فى إيديهم حطوا الحديد

اللي باعونا فى الميدان اشهد يا محمد محمود

و قناصين العيون لاجل بلادي الضلمة تهون

كشف العذرية و كمان البنت اتعرت مالجنود

دم الشهدا فى المزاد دي ريحتكم بدأت تفوح

متاخفيش يا أم الشهيد حق اخويا مش هيروح

اه يا بلادي دمي نهر يرجع ليكي الحياة

و الثورة مستمرة فكرة تطارد الطغاه

النضال هو عقيدتي هو ده طوق النجاه

أنا صوت الحق العالي اللى ما يعرف يوم خضوع

علم الحرية مرفوع و الظلم فى وطني ممنوع .. شاهد الفيديو:

اضف تعليق للنشر فورا