أغنية ثوري عربي – Ultras White Knights

أخبار ليل ونهار – أغنية ثوري عربي من ألتراس نادي الزمالك وايت نايتس Ultras White Knights.

كلمات الأغنية:

أمه واحده وشعب واحد جمعهم ربنا ,, كنا في خير وفي سلام والارض ملكنا..
كان العربي عزيز كريم و الحكمه بتوصفه ,, لجل حريت وكرامته وحياته اتكلفه..

عرف العالم على ادينا ايه معنى العلوم,, علمناهم الجغرافيا والجبر والفنون..
كان شعبنا واعى ونشيط وزرعنا ارضنا ,, والخاين أو الخسيس ملوش عيش وسطنا..

كان العدل اساس الملك وبالحق عايشين ,, والحب اساس الحياه أخوات متجمعين ..
كانت النخوه حصن لينا نحمىه بالايمان ,, واللى كارهنا وكاره دينا نبهره بالسلام ..

مملكه حره ,, والحق فيها يسود .. عزه وكرامه والخير بينا موجود ,,
انهار و وادى .. مليانين بالورود .. والسلم أيه نحميها بالبنود..

طارت الدنيا وزاد الجهل والفقر والخضوع ,, راح مننا كل الميزات وجبنالهم الجوع..
ورث أجدادى من سنين قدامى بيضيع ,, راحت الارض وراح العرض في لحمى بقيت ببيع ..

بعد ما كنا لكل العالم وجهه للحياه ,, فجأه بقينا مغاره عتمه ومنبع للطغاه..
ساب فينا بطش الحكام والفرقه كانت سلاح ,, كل ما كرهى لاخويا تزيد حلته تتم بنجاح ..
قسمونا وفرقونا وزادت القيود,, والعربيه لغة بلادى دفنوها تحت الحدود ..
وباعلامهم كان الماضي سنين مالانهيار .. اقرا وشوف تاريخ بلادنا قاومنا لاستعمار

انا مصري سورى والارض فلسطينيه ..
انا تونسي ليبي والوجهه في السعوديه ,,
بحرينى يمنى والروح مغربيه ,,
انا عربي ثورى وهحارب ع القضيه ..

الربيع العربي قادم يهدم كل الجحور ,, بعد سنين م الظلام جه الوقت نشوف النور ..
بن على ومبارك صالح ومعمر كل كلابكم تغور ,, والدور على بشار والباقي نهد عليهم السور..

الحريه من النهارده ملناش غيرها بديل ,, من قوامسنا خلاص لغينا كلمة مستحيل ..
من رصاصكوا مش هخاف احنا مبننتهيش,, ما احلى نول الشهاده لجل وطنا يعيش ..
من تانى ادينا بنتجمع ونقضي ع الفساد,, وبنمشي فى طريق منور رسمهولنا اللى مات ..

بايدنا هترجع الحضاره وتعود الزكريات ,, ومسير بلادنا تبقي أقوى وترجع الامجاد ..

دي الارض لينا مش هنسيبهالكوا يوم ,, الحق بينا ينتصر كل يوم ..
الحرب لينا وسيله للسلام ,, يرجع وطنا زى ما كنا زمان .. شاهد الفيديو:

اضف تعليق للنشر فورا