عبد الفتاح السيسي

فيديو .. السيسي لضباط القوات المسلحة: وحشتوني وبحبكم أوي

أخبار ليل ونهار – قدم الرئيس عبدالفتاح السيسي التحية لضباط القوات المسلحة قائلاً: «وحشتوني الحقيقة وكان لازم أجيلكم»، خلال الندوة التثقيفية الـ13، التي نظمتها القوات المسلحة تحت عنوان «مصر والانطلاق نحو المستقبل»، والتي تأتي مع بدء المشروع القومي لتنمية محور قناة السويس، الأحد.

وأثنى السيسي على جهود رجال الجيش، قائلًا: «متشكرين باسم مصر» في إشارة إلى تبرعاتهم لصندوق «تحيا مصر»، مضيفًا: «مصر مستنية من أهلها يحنوا عليها ويقوموها ويوقفوها ويشرفوها قدام الدنيا كلها، فكنت لازم آجي الأول أقول لكم متشكر وأقول لكم كل سنة وأنتم طيبين، وماتعرفوش إن أنتم كنتم واحشني قد إيه، صحيح، ما أنا بحكبم أصلًا وبحبكم أوي كمان يعني».

وأضاف: «خلوا بالكم أنا عشت باللبس بتاعكم، وأصل اللبس بتاعكم لبس عظيم وشريف وأنتم لازم كمان تخلوا بالكم من نفسكم، ولازم الجيش دايمًا يبقى عظيم وشريف».

في الوقت نفسه، تحدث السيسي عن مشروع قناة السيوس، قائلًا: «عاوزين نسابق الزمن ونهزم الفقر، ونقول له غادرنا وكفاية كده»، مضيفًا: «لازم نسبق الزمن وماناكلش ونعمله ومانامش ونعمله، عشان الباقي ياكل وينام»، في إشارة إلى المشروع.

واختتم: «ربنا يحفظ الجيش ويعينه»، معتبرًا أنه السبب في حماية مصر من «الشر»، وقال: «هو جيش وطني شريف لا يغدر ولا يتآمر» .. شاهد الفيديو:

اضف تعليق للنشر فورا