بالفيديو «ضنك» تطلق حملة شعبية للامتناع عن دفع فواتير الكهرباء

اخبار ليل ونهار – أطلقت حركة “ضنك”حملة شعبية تحت شعار “خليه قاطع .. أنا مش دافع” دعت فيها جميع المواطنين على مستوى الجمهورية للامتناع عن دفع فواتير الكهرباء لحكومة الانقلاب العسكري، احتجاجا على استمرار انقطاع التيار الكهربائي لساعات بشكل غير مسبوق في مصر، ورفضا لرفع الدعم عن اسعار الكهرباء.

وفي مؤتمر صحفي بثته الحركة على قناتها على موقع يوتيوب، قال المتحدث الرسمي باسم الحركة “بسم الله، بسم الغلابة والمطحونين، تطلق حركة “ضنك:

دعوة لكل ربة أسرة النور بيقطع عليها في عز الحر بالساعات.

لكل عامل مصنع مش عارف يحقق كشف انتاجة بسبب قطع الكهرباء.

لكل تاجر بضاعته باظت في التلاجات بسبب قطع الكهرباء.

لكل صاحب عمل شغله واقف بسبب قطع كهرباء بالـ 12 ساعة في اليوم الواحد.

لكل محدود دخل أسعار الكهرباء زادت عليه ومرتبه لسه زي ماهو.

لكل فقير مش عارف يأكل عياله والحكومة رفعت الدعم عنه حتى في الكهربا.

دعوة لـ 40 مليون مصري تحت خط الفقر، دعوة لكل مصر للامتناع عن دفع فواتير الكهربا اللي رفعوا عنها الدعم ورغم كده مش لاقينها، دعوة تحت عنوان “خليه قاطع.. أنا مش دافع.

وتابع بيان الحركة: “من النهاردة هانمتنع عن دفع فواتير الكهربا اللي زادت الضعف ومش بتشتغل إلا بالصدفة، من النهاردة ها اللي بتقطع بالـ 12 ساعة في بعض الأماكن، ومش بتقطع ولا ساعة واحد في مكاتب البشوات اللي حاكمين، وقصور الأغنياء اللي دافعين”.

وأوضح المتحدث باسم الحركة أن “الامتناع عن الدفع هايعمل أزمة سيولة عند الحكومة وهايحسوا بالأزمة اللي مش حاسس بيها غير الفقير والغلبان، على الحكومة أنها تعرف أن شعب مصر مش فران تجارب للحكومات، تجرب فيه نظريات فاشلة للإدارة ويدفع تمن أخطأها الشعب فقط، وتتحمل مسئوليتها في حل أزمة الكهربا بأسعارتناسب الجميع، أو ترحل وتسيب اللي يحس بالغلبان هو اللي يدير”

وتوعدت الحركة حكومة الانقلاب العسكري، بخطوات تصعيدية جديدة، في حالة عدم الانصياع لطلبات الحركة والتي تعتبرها الحركة أنها مطالب الشعب المصري.

 نص البيان:

بسم الله
بسم الغلابة والمطحونين
تطلق حركة ضنك دعوة لكل ربة منزل النور بيقطع عليها في عز الحر بالساعات .. لكل عامل في مصنع مش عارف يحقق كشف انتاجه بسبب قطع الكهربا .. لكل صاحب عمل شغله وقف بسبب قطع الكهربا ل12 ساعة في اليوم .. لكل تاجر بضاعته باظط في التلاجات بسبب الكهربا .. لكل محدود دخل اسعار الكهربا زادت عليه ومرتبه لسة زي ما هو .. لكل فقير مش عارف يأكل عياله والحكومة رفعت الدعم عنه حتى في الكهربا

دعوة ل40 مليون مصري تحت خط الفقر

دعوة لكل مصر للامتناع عن دفع فواتير الكهربا اللى رفعوا عنها الدعم ورغم كده مش لاقيينها..دعوة تحت عنوان “خليه قاطع .. انا مش دافع”
من النهاردة هنمتنع عن دفع فواتير الكهربا اللى بتقطع ل12 ساعة في بعض الاماكن ومش بتقطع وﻻ دقيقة في مكاتب الباشوات اللى حاكمين وقصور الاغنية اللى دافعين

من النهارده هنمتنع كلنا عن دفع فواتير الكهربا اللى زادت الضعف ومش بتشتغل غير بالصدفة
الامتناع عن الدفع هيعمل ازمة سيولة عند الحكومة وهيحسوا بالازمة اللى مش عايشها غير الفقير والغلبان
شعب مصر مش فئران تجارب للحكومات تجرب فيه نظريات فاشلة في الاداره ويدفع ثمن اخطائها الشعب فقط .. على الحكومة انها تتحمل مسؤوليتها في حل ازمة الكهربا باسعار تناسب الجميع، او ترحل وتسيب اللى يحس بالغلبان يدير.
الامتناع عن دفع الفواتير خطوة تصعيديه اولى لانذار الحكومة لحل الازمة .. وان لم تستجب هنعلن عن فعاليات تصعيدية جديده تجبر الحكومة على الانصياع لمطالب المواطنين في تحقيق حياه كريمة للجميع.
حركة ضنك

اضف تعليق للنشر فورا